La decime prime edizion de “Setemane de culture furlane”, rassegne promovude de Societât Filologjiche Furlane cun plui di 200 apontaments fint ai 19 di Mai, e va indevant martars ai 14 in varis lûcs e in rêt su www.setemane.it. Si tache a Udin a Palaç Mantica, la sede de Filologjiche, cuntune cunvigne su la autonomie e la presentazion dal libri su lis feminis de cjasade de Claricini Dornpacher dal Cuatricent al Nûfcent. Altris apontaments a son a Jalmic, a Cividât e a Cjasteons di Çopule, dulà che a saran presentâts doi romançs inedits di Carlo Sgorlon, a 15 agns de muart. Aes 9 sot sere, dome in rêt, la proiezion dal congrès de Societât Filologjiche Furlane tal passât Otubar a Montreâl, dedicât a Domenico Scandella, il “Menocchio”, in presince di Carlo Ginzburg e Gian Paolo Gri. (A.I.) – 13.05.2024
Foto di A. Angelucci
