Doi ogjets fats in Friûl tra lis iconis dai Agns ‘50

E je ancje la machine di cafè “Lollobrigida” in esposizion ae mostre “Italia Cinquanta. Moda e design”, in cors a Palaç Attems Petzenstein a Gurize, par cure dal Erpac, l’Ent pal patrimoni culturâl dal Friûl-Vignesie Julie. La mostre, screade ai 21 di Març, e celebre il stîl talian dai agns ’50, dilunc di chei il nestri Paîs al à alimentât la sô aspirazion al benstâ, fasint cognossi a dut il mont la proprie vocazion pe mode e il stîl. Tra i plui o mancul 150 tocs, ancje doi ogjets ‘di cult’ prodots di ancjetantis aziendis dal Friûl-Vignesie Julie: l’orloi eletromecanic “Cifra 5” de Solari e la machine di cafè “Lollobrigida” de San Marco, un dai modei di plui sucès butâts sul marcjât de aziende di Gardiscje.(A.I.) – 04.04.2023