Don Rosa: il dissegnadôr di Paperone ae ricercje des lidrîs furlanis

Keno Don Hugo Rosa, ven a stâi Don Rosa, fumetist innomenât a nivel mondiâl tant che autôr e dissegnadôr des storiis di Zio Paperone, Paperino e di dute la famee dai simpatics razats de Disney, al torne intal so paîs di nassite, Manià, par passâ doi dîs ae riscuvierte des sôs origjins talianis e furlanis. Nassût a Louisville, intal Kentucky, al è nevôt di Gioachino Rosa, emigrât propit di Manià tal principi dal Nûfcent. Don Rosa al è stât invidât a Nord-Est par visitâ pe prime volte il propri paîs di nassite e cjatâ i parincj che ancjemò vuê a son a stâ a Manià. Pe ocasion, il famôs dissegnadôr al cjatarà il public di Pordenon miercus ai 2 di Otubar, aes 5.30 dopomisdì tal Palaç dal Fumet, in dialic cul diretôr artistic Luca Raffaelli. Il dì dopo lu dedicarà dut ae riscuvierte di Manià e dai lûcs dulà che e à vivût la sô famee: aes 6 dopomisdì al cjatarà il public e i siei concitadins tal teatri “Verdi”. (A.I.) – 30.09.2024