Ai 5 e ai 6 di Dicembar, Aquilee e celebre i 26 agns dal ricognossiment de Unesco e i 90 agns de viertidure de aree archeologjiche dal puart fluviâl e de “vie Sacre”, cun dôs cunvignis che si tignaran intai spazis de cantine Ca’ Tullio, vierts al public e ai operadôrs. Joibe, des 9.30 di buinore, istituzions, professioniscj e operadôrs dal setôr turistic culturâl si confrontaran inte suaze de cunvigne “Aquilee mete sostignibile” su tematichis di grande rilevance no dome pe citât, ma ancje pal teritori regjonâl. Grant ospit de zornade Luca Mercalli, president de associazion Societât Taliane Meteorologjiche. Vinars la cunvigne e sarà dedicade a “Puarts, rivis e rotis antighis. Viis di comunicazion e valorizazion dal patrimoni materiâl e imateriâl intal Mediterani”, tirant dentri archeolics e studiôs di innomine internazionâl. (A.I.) – 04.12.2024
Foto di N. Oleotto
