Ducj i vincidôrs dal festival dal documentari a Pordenon

Passe trê mil biliets e sîs mil presincis in dut, tra proiezions, incuintris, laboratoris, taulis tarondis e cunvignis ae decime setime edizion dal “Pordenone Docs Fest”, il festival dal documentari inmaneât di Cinemazero. Ben 27 i Paîs rapresentâts, cun 24 cines in anteprime nazionâl e passe tresinte ospits: regjiscj, produtôrs, studiôs, esperts dal setôr. Par cinc dîs, la citât e je stade ancjemò une volte la “capitâl dal documentari”. Il premi de jurie al è lât a “Mediha” di Hassan Oswald, che e veve za emozionât il public vie pe serade di viertidure, contant une realtât che e va di là di ogni finzion. Il public invezit al à votât par une pelicule che e à lassât ducj scaturîts, “Beyond Utopia”, che e à duncje concuistât il premi clamât “Audience Award”. Il premio de critiche al è lât invezit a “Kabul Beauty”. (A.I.) – 15.04.2024