Ancje chest an la librarie “Tarantola” di Udin e da acet al “Lunazzi Day”, une iniziative nassude par cure di un grup di amîs – e soredut dal architet Giorgio Ganis, che al cure la zornade – par memoreâ e valorizâ l’artist furlan Luciano Lunazzi, muart di bot ai 4 di Otubar dal 2017. Vie pai agns, la celebrazion si è integrade celebrant no dome che l’artist “torzeon”, ma ancje chei altris artiscj de sô gjenerazion (e cul stes spirt) che no son plui. Intal 2023 e fo dedicade a Antonio Cendamo, che al à fat a Udin une vite “paralele” a chê di Lunazzi. La edizion dal 2024, des 10 di matine di martars ai 8, e je dedicade a Mario Rovere, che al à judât Lunazzi a dâ forme a cualchi sô opare: a jerin, in struc, il braç e il cjâf. Aes 6 di dopomisdì, la scree de mostre “Dedicade a Mario Rovere”. (A.I.) – 07.10.2024
Foto di P. Jacob
