33
E je rivade a metât la rassegne “Ascoltare, Leggere, Crescere” (Scoltâ, Lei, Cressi), incuintris cu la editorie religjose che si davuelç a Pordenon e ator pe regjon fint ai 6 di Otubar. Miercus ai 2 si fevelarà di tematichis di grande atualitât: la violence cuintri lis feminis tra sensibilizazion e prevenzion, la criminalitât dai zovins e la sperance educative. E po dopo, doi apontaments leteraris, cu la rileture de opare di Leopardi in clâf bibliche. Aes 10.30 di buinore intal auditorium “Concordia”, il capelan de Preson minorîl “Beccaria” di Milan pre Claudio Burgio al incuintrarà i students des Scuelis superiôrs de citât di Pordenon e daspò di une ore al sarà tal Teatri “Don Bosco”. (A.I.) – 01.10.2024
