Editôrs indipendents a Cordenons

Seconde edizion par “MiSmash”, sabide ai 9 e domenie ai 10, a Cordenons in localitât Parareit. Il marcjât de editorie, de musiche e de autoproduzion libare e indipendente al viodarà al centri propri i discs di etichetis indipendentis, ma al cjape dentri ancje presentazion di libris, intervents artistics, la presince di editôrs tra i espositôrs e, si capìs, ancje la musiche dal vîf. “Mismash – a sclarissin i organizadôrs – al nas de esigjence di diliberâ lûcs di incuintris de ideologjie che e vûl dome meti in vendite la culture e, cun di plui, e je une fiere autofinanziade ad in plen”. (A.I.) – 07.09.2023