Elio Ciol al presente la sô mostre a Cjasarse

Une serade speciâl, cuntun zigant de fotografie, Elio Ciol, che a 95 agns al cjatarà il public e al fevelarà de sô ultime fadie, la mostre di fotografiis “In dialogo con l’arte. Elio Ciol e i grandi artisti, da Giotto a Chagall” (In dialic cu la art. Elio Ciol e i grancj artiscj, di Giotto a Chagall). Screade a Cjasarse ai 20 di Avrîl intal spazi espositîf dal ex municipi, omaç de Citât al mestri, intai prime trente dîs e à contât passe 1.500 visitadôrs. Ancje pal sucès che e je daûr a racuei, e sarà sprolungjade fin ai 28 di Lui invezit di jessi sierade ai 30 di Jugn. Ciol al sarà protagonist di une serade publiche, miercus ai 5 aes 8.45 sot sere tal teatri “Pasolini” di Cjasarse. “In dialic cun Elio” al sarà un confront sui temis de mostre tra l’artist e il curadôr, Fulvio Dell’Agnese. (A.I.) – 03.06.2024