Feagne e je la ‘cjase’ di une scritore todescje

Contadore, poetesse e tradutore, Esther Kinsky e je une des vôs plui altis e origjinâls de sene leterarie todescje. Ma e je ancje feagnote di adozion, viodût che e passe luncs periodis inte sô cjase di Borc Palût. In graciis di cheste presince, al è stât organizât un moment public, che si tignarà miercus ai 22 aes 8.30 sot sere inte Sale Consiliâr dal municipi, inmaneât dal Ecomuseu Il Cavalîr in colaborazion cul Comun. Kinsky e dialogarà cul antropolic furlan Gian Paolo Gri e si infondarà inte esperience umane dai lûcs, de memorie e dal ricuart, metint in vôs i fîi naratîfs che la autore e ties intes sôs oparis. (A.I.) – 21.11.2023

Foto di H. Steinweg