E tache aes 9 di buinore e si sierarà aes 5 dopomisdì tal Palaç Tadea a Spilimberc une cunvigne di studis che e à par teme “La cundizion de femine artiste tra Friûl, Vignesie Julie e Venit dal decim sest al decim novesim secul”, par cure di Stefano Aloisi e Enrico Lucchese. La cunvigne e je stade inmaneade a corolari de mostre in cors fint ai 23 di Fevrâr a Cjasteons di Çopule intai spazis de Galarie Civiche di Art “Celso e Giovanni Costantini”: “Irene e chês altris. La cundizion de femine artiste in Friûl”. Il program de cunvigne al previôt intervents di ricercjadôrs e esperts, storics e storics de art di istituzions museâls e universitariis de regjon e talianis. Al tiermin de cunvigne e je previodude une visite vuidade ae mostre di Çopule. (A.I.) – 30.01.2025
Feminis artistis: une cunvigne a Spilimberc
55