Floramo a Cjopris cu la storie dai Balcans

Prin apontament dal an cu la rassegne “Incuintri cul Autôr” inte biblioteche comunâl di Cjopris Viscon. Ivan Bianchi, diretôr di “Il Goriziano”, al dialogarà cul scritôr Angelo Floramo sul so libri “Breve storia sentimentale dei Balcani”: la storie di une part di Europe imberdeade, ma al centri di dut. “Sentimentâl” parcè che nol è un tratât, ma une narazion subietive, intime, di ce che a son e ce che a rapresentin i Balcans. “Curte” parcè che al vûl dâ al letôr sugjestions e passions cuntun viaç che al esplore in profonditât lis gjeografiis, lis animis, la storie, passant di là dal confin orientâl. Nassût a Udin intal 1966, Floramo al insegne Storie e Leterature a Glemone; studiôs e espert de Ete di Mieç, al à publicât cetancj saçs e articui specialistics e al colabore cun rivistis talianis e forestis. (A.I.) – 13.01.2025