Formazion par insegnants li de Vile de Claricini

Lis vilis venitis a son testemonis de grandece culturâl e storiche de Republiche di Vignesie. Chestis cjasis sflandorosis, che si son disvilupadis tra il decim cuint e il decim sest secul intes tieris de nestre regjon, a rapresentin un patrimoni artistic e architetonic unic. E a incjarnin une identitât che e cjape a bracecuel culture, art, storie, paisaç e ambient. Un esempli e je Vile de Claricini Dornpacher a Butinins di Muimans, dongje Cividât, che miercus ai 18 e sarà al centri di un cors di formazion dedicât ai docents des scuelis superiôrs de regjon. Il cors di formazion si propon di dâ ai docents une comprension profonde de storie, de art, de agriculture, dal paisaç e de culture leadis aes vilis venitis, esplorant chest complès ecosisteme culturâl. (A.I.) – 16.10.2023