Fotografs furlans inte galarie “Modotti”

Il Circul Fotografic Furlan al celebre cincuante agns di ativitât culturâl penze cuntune esposizion che e met la atenzion sul sens plui profont de fotografie e che e oblee i fotografs e il public a calcolâ la cuistion di un pont di viste diferent: parcè fasìno fotografiis? Ae lûs di analisis personâls, la mostre “Sotto la fotografia”, vierte te Galarie Tina Modotti di Udin fin al prin di Dicembar (dal vinars ae domenie), e propon disesiet progjets di caratar concetuâl, risultât dal pinsîr plui che de rapresentazion sclete de realtât, vierzint la puarte su la dimension narative dal dut uniche de fotografie. La esposizion e je stade fate cu la colaborazion dai museus civics di Udin e e je acompagnade dal catalic “Sot de fotografie. Il Circul Fotografic Furlan al celebre i 50 agns de fondazion”. (A.I.) – 31.10.2024