“Foyer di autôr”, tal Teatron si fevele di ebraisim

Al Teatri gnûf Giovanni da Udine e torne “Foyer di autôr”, la rassegne di incuintris cun autoris e autôrs su temis leteraris, storics, teatrâi, musicâi, artistics. Ospit dal apontament che al ven, dentri des celebrazions de Zornade de Memorie e fat in colaborazion cul Comun di Udin, al è Gadi Luzzatto Voghera, storic dal ebraisim e diretôr de Fondazion Centri di documentazion ebraiche contemporanie. Vinars ai 24 di Zenâr aes 5.30 dopomisdì, in dialic cun Martina Delpiccolo, al presentarà il so ultin volum “Sugli ebrei. Domande su antisemitismo, sionismo, Israele e democrazia” (Sui ebreus. Domandis su antisemitisim, sionisim, Israêl e democrazie). Un argoment che si cognòs pôc, stant che lis cuistions che a vegnin metudis in public o in privât sul ebraisim, su Israêl e sul sionisim a dimostrin dispès un sens fuart di discomut. (A.I.) – 22.01.2025