Galiano al presente l’ultin libri suntune barcje

Animazion, musiche, spetacui, ma soredut culture: tra i passe setante apontaments proponûts dal Comun di Monfalcon par un Istât plen di iniziativis, i grancj protagoniscj a son i incuintris estîfs di Monfalcone Geografie. Il festival leterari si vierç cu la propueste di une esperience uniche: un viaç in barcje cun autôr, che vinars ai 14 al viodarà ospit Enrico Galiano par presentâ il so ultin libri, “Geografia di un dolore perfetto”: un romanç fuart pe emotivitât. Il teme dal viaç nol sarà dome metaforic, ma ancje reâl: la motonâf che e acompagnarà i ospits e partirà de Marina di Monfalcon e e passarà une trate là che il litorâl monfalconês al sarà suaze e senografie de presentazion. (A.I.) – 13.07.2023