Giulia Blasi ‘a cjase’ a presentâ il gnûf romanç

L’Arci Cral di S. Vît dal Tiliment al ospite vinars ai 21 aes 7.30 sot sere la presentazion di “Cose mai successe” (Robis mai sucedudis), l’ultin romanç di Giulia Blasi, scritore e vôs di riferiment intal dibatiment culturâl su cuistions di gjenar e trasformazion sociâl. L’avigniment al sarà une ocasion par aprofondî i temis dal libri, ma ancje in gjenerâl par fevelâ di dirits e oportunitâts compagnis, dialogant cu la autore e cun Odette Copat. La pordenonese Giulia Blasi e je autore di saçs e romançs che a frontin il cambiament, dant spazi aes vôs che dispès a restin no scoltadis. Il gnûf romanç, ambientât intun paîs furlan intai agns Otante, al esplore il teme de memorie e di chel che nol ven dit. (A.I.) – 20.03.2025