Glemone e ospite une grande mostre sul president Kennedy

“Lo specchio dell’era Kennedy” (“Il spieli de ete Kennedy”) al è il titul de mostre inmaneade dal Comun di Glemone, in colaborazion cu la Cineteca del Friuli, curade dal storic dal cine Sergio M. Grmek Germani tal Cjistiel di Glemone, dai 22 di Novembar ai 6 di Jugn dal 2024. Dôs datis simbul che a coincidin cul sessantesim aniversari dal sassinament di John Fitzgerald Kennedy e i 56 agns di chel dal fradi, Robert F. Kennedy. Intai passe sîs mês di durade de mostre, la Cineteche e proponarà tal Cine Sociale di Glemone une rassegne di cines “kennedians”, par un totâl di 27 apontaments setemanâi. La mostre no cjape in considerazion dome che il periodi de presidence di JFK, ma al spazie de ere là che si è delineât il mont ereditât a chê che e larà daûr. La mostre e je fate a Glemone parcè che li al è il Fonts Kennedy de Cineteche. Lis sôs origjins a rimontin ae infanzie dai doi fondadôrs, Livio Jacob e Piera Patat, che intai agns Sessante a àn scomençât une racuelte di materiâi, deventade po dopo une colezion. (A.I.) – 21.11.2023