GO!2025: a Lubiane e in rêt si presente la lenghe “virâl”

Pordenonelegge al va in “mission” a Lubiane, par un dopomisdì che al promovarà il spirt transfrontalîr de Capitâl europeane de Culture, che tal 2025 a saran lis citâts di Gurize e Gnove Gurize, e par stiçâ une comprension plui profonde fra i popui  europeans. Martars ai 17, inte sede dal Istitût Talian di Culture che al promôf l’avigniment, i auguris di Nadâl a rivaran cuntune riflession sul sens di une Capitâl europeane de Culture cence confins, tacant propit dal element linguistic, pes prospetivis di comunicazion e convivence fra popolazions che a stan di une bande e di chê altre de frontiere. L’avigniment si vierzarà cu la presentazion dal libri “La lingua virale” (La lenghe virâl) dal scritôr Diego Marani, za Diretôr dal Istitût Talian di Culture a Parîs, intervistât di Gian Mario Villalta, diretôr artistic di pordenonelegge. Martars ai 17 di Dicembar e je ancje la date là che e sarà proponude in anteprime sul sît pordenonelegge.it propri la gnove produzion documentarie su “La lenghe virâl”, fate su sogjet e senegjaturis dal stes Villalta. (A.I.) – 16.12.2024