Gurize e cjale il mont soterani

Inte otiche di svicinament a ”GO! 2025!”, lis manifestazions pe Capitâl europeane transfrontaliere de Culture, miercus ai 26 al Kulturni dom di Gurize si scree la mostre “Ethos – Teatro Sotterraneo”. L’event, inte suaze de articolade rassegne ideade e direte di Lorena Matic “Questa volta metti in scena… il mondo di sotto“, si disvilupe suntun dople voglade: chê dal artist e chê dai fotografs naturaliscj. La prime e je chê di Gaetano Bodanza, che al presente oparis digjitâls, pitorichis e pituris ad aghe di grandis dimensions. La seconde voglade e je chê dai fotografs naturaliscj e speleolics che a documentin la realtât cjatade lant jù intes cavitâts dal mont parsot. (A.I.) – 24.10.2022