Gurize e presente i events de capitâl de culture

Concierts, laboratoris, spetacui teatrâi, conferencis, cors di formazion, proiezions cinematografichis, cjaminadis culturâls: la ufierte di “GO! 2025” e je siore e svariade. Par ufrî une panoramiche su lis variis sezions dal program de Capitâl Europeane de culture, cuntune atenzion particolâr sui avigniments a Gurize e a Gnove Gurize, il GECT GO in colaborazion cul comun di Gurize, il comun di Nova Gorica e Javni zavod GO! 2025, al inmanee une presentazion publiche martars ai 10 aes 5 dopomisdì tal Auditorium de culture furlane di Gurize, in vie Rome. Al avigniment di presentazion a intervignaran i sindics di Gurize e di Gnove Gurize, i dirigjents dal GECT GO e dal Javni zavod GO! 2025. L’avigniment al sarà in lenghe taliane e slovene. (A.I.) – 09.12.2024