I agns Trente contâts di dôs scritoris di Palme

Al torne tal Teatri gnûf “Giovanni da Udine” joibe ai 20 aes 6 dopomisdì “Foyer d’autore”, une rassegne di incuintris cun autoris e autôrs su temis leteraris, storics, teatrâi, musicâi, artistics. Ospitis dal apontament a saran Daniela Galeazzi e Giuseppina Minchella, autoris a cuatri mans dal romanç “Le verità pericolose. Un ebreo fascista tra guerra e amori inquieti” (Lis veretâts pericolosis. Un ebreu fassist tra vuere e amôrs incuiets), jessût par Gaspari. Lis dôs autoris di Palme, che insiemi a àn scrit za altris doi libris, a saran in dialic cun Mario Brandolin e Martina Delpiccolo par contâ al public une piçule storie che e sta dentri de Grande Storie dai agns Trente, cui siei dramis epocâi. (A.I.) – 19.02.2025