I cent agns dal mulin di Pordenon

Martars ai 21 a Pordenon, aes 6 dopomisdì tal Palaç Klefisch, al sarà presentât il libri “1923-2023 I cent’anni del Molino Pordenone – Tra storia e ricordi familiari”, jessût ae fin dal an passât pe Societât di masanadure di Pordenon par memoreâ il centenari de sô ativitât. Scrit dal gjornalist Nico Nanni e furnît di cetantis fotografiis de epoche e altris fatis tai ultins agns, il libri al torne a fâ la storie de societât e di chei che le àn gjestide vie pai cent agns: dai socis fondadôrs, ducj piçui imprenditôrs dal puest, ae famee Zuzzi, rivade ae tierce gjenerazion di gjestion. Ven a stâi, chê che e je daûr a puartâ la aziende tal avignî. (A.I.) – 20.05.2024