Il scultôr todesc Franz Xaver Messerschmidt (1736-1783) al è protagonist inte suaze dal progjet dal Comun di Gurize “La citât dai mats” dedicât ae figure di Franco Basaglia e al parc a lui intitulât. “La matetât dal Mont di vuê di Basaglia a Messerschmidt” e fâs part de storie de rivoluzion de psichiatrie e di chê dal innomenât scultôr par favorî une riflession sul discomut inte ere contemporanie. La Fondazion dal Palaç Coronini Cronberg di Gurize e promôf trê visitis vuidadis ai “Cjâfs di caratar” di Messerschmidt, une schirie di oparis cun espressions esasperadis e grotescjis, calcoladis dai storics il mieç dal artist par frontâ il so discomut mentâl. La prime des visitis e je in program vinars ai 21 aes 4 di dopomisdì tal Palaç Coronini. (A.I.) – 20.03.2025
Foto de Fondazion di Palaç Coronini Cronberg
