I cuadris di Pasolini ae Galarie di art moderne di Rome

Siet oparis di Pasolini che a vegnin de pinacoteche vierte intal 2022 al Centri studi “Pasolini” di Cjasarse, intai spazis de Academiuta di lenga furlana, a son esponudis di cualchi dì inte Galarie di art moderne di Rome, dentri de grande mostre “Pasolini pittore”, screade a Otubar passât e vierte fin a Avrîl. I cuadris rivâts dal Friûl a àn tacât une ridisposizion – in presince de presidente dal Centro studi, Flavia Leonarduzzi – de esposizion romane, che cumò e cjape dentri une sezion dedicade a Pasolini pitôr a Cjasarse. Il Centro studi al è ancje presint intal catalic preziôs colegât ae mostre. (A.I.) – 30.01.2023