I ‘salvadis’ a tornin in mont

Un gnûf apontament cu la seconde edizion dal progjet dal Teatri “Verdi” di Pordenon inte suaze de Montagna Teatro Festival, la rassegne “R-Evolution Green” ideade e organizade cul CAI, Circul Alpin Talian, che al clame a racuelte esperts, scritôrs, climatolics e storics par rifleti suntune gnove idee di mont e promovi une “inversion” di ce che e je la vision urbane e la semplice frecuentazion turistiche. Miercus ai 4 aes 6 dopomisdì tal Ridot dal “Verdi” si fevelarà di un rapuart antîc tant che il mont, chel tra domestic e salvadi, che al alimente di simpri liendis, prejudizis, difidencis, scuintris violents e coesistencis. La fondadore di Appia, Rete taliane dal arlevament, Verdiana Camilla Morandi e Daniele Zovi, scritôr e membri dal Cuarp forestâl dal Stât, a sclariran cemût che vuê i animâi salvadis a son daûr a riconcuistâ spazi e a tornin a popolâ la mont, passant i lûcs dulà che a jerin stâts confinâts. (A.I.) – 03.12.2024