La vôs dai zovins par contâ il Vaiont, a sessante agns dal disastri. Chest al è il gnûf progjet didatic di riativazion de memorie pai students des scuelis secondariis di prin grât dai Comuns di Pordenon, Montreâl, Claut, Puint intes Alps e Longaron. La iniziative, par cure di Cinemazero, e unìs dutis lis realtâts cjapadis dentri intal ricuart de tragjedie dal 1963: il Parc naturâl des Dolomitis Furlanis, l’EcoMuseu di Vaiont, la Pro Loco e il Comun di Longaron. I students a laran daûr di un percors formatîf sul tragjic avigniment e a saran impegnâts dopo intun laboratori che ju puartarà a creâ un portâl interatîf in rêt, là che al vignarà delineât il contest che al à puartât al disastri dal Vaiont e il percors sucessîf di ricostruzion dal teritori e de memorie. (A.I.) – 05.10.2023
I zovins a contaran il Vaiont in rêt
90
