Il circ al sielç ancjemò la Val Colvare

Dal 2006 i straordenaris senaris salvadis de Val Colvare a fasin di suaze a Brocante, incuintri internazionâl di circ contemporani, che al torne chest an, pe decime seste edizion, di miercus ai 26 a vinars ai 28. Il titul di chest an al è “Le cose non pensate” e il spazi al sarà dât a artiscj di circ che a àn scrit e inventât un lôr lengaç senic unic, intim, di bessôi sul palc. Il program al tache a Frisanc, par lâ indevant joibe a Cjasesole e par sierâ vinars a Pofavri: l’acès al è libar e cence prenotazion a ducj i spetacui serâi, intant che i apontaments itinerants dai dopomisdîs (cui spagnûi Circo Eia e il coletîf austriac Kogel Kollektiv) a son za plens. (A.I.) – 25.07.2023