Il cjantautôr al fâs art cui materiâi bandonâts  

Cjantautôr ma ancje artist, Gian Luca “Bratiska” Bratina al presente la sô mostre “Visi, visioni, visuali” (Musis, visions, visuâi) tal Museu de Civiltât contadine dal Friûl Imperiâl di Dael. In ocasion de Fiere di S. Carli, a son esponudis lis sôs composizions, costruidis cun materiâi bandonâts e in aparence dibant: trâfs fraidis, clauts e vîts inrusinidis, veris rots, fîl spinât, scjaipulis. Lis oparis di Bratiska a interagjiran in maniere visive cui machinaris in esposizion stabile inte sale “Pês, Misuris e Tipografie” dal Museu, creant une atmosfere sugjestive fûr dal timp. (A.I.) – 01.11.2024