Il Cjistiel di Udin al vierç al public i siei dipuesits soteranis

Une gnove ocasion par visitâ il Cjistiel di Udin: i dipuesits dal Museu Archeologjic a vierzin al public su prenotazion. Cu la viertidure de gnove sezion archeologjiche dai museus civics di Udin, il Cjistiel al siere un percors traviers plui di 3.000 agns di storie de citât, tacant dai materiâi archeologjics de Protostorie al Rinassiment, traviers la Galarie di Art Antighe, par rivâ al Museu Furlan de Fotografie. La viertidure al public dai dipuesits e sarà fate in mût frazionât intal timp. Intune prime fase al sarà pussibil visitâ la esposizion dai materiâi che a son stâts ogjet di studi inte suaze dal progjet “Archeologjie Urbane a Udin”. (A.I.) – 16.02.2023