85
In ocasion de novesime edizion di “Archivi Aperti”, il Craf-Centri di ricercje e Archiviazion de Fotografie di Spilimberc al vierç la sede di Palaç Tadea ai visitadôrs, ufrint la pussibilitât di cjalâ di dongje i origjinâi fotografics dal archivi di Luigi Crocenzi, fotograf e inteletuâl che al ricor chest an il centesim aniversari de nassite. Il grup dal Centri vuidât dal diretôr Alvise Rampini al ilustrarà il lavôr di conservazion, digjitalizazion e catalogazion operât in chescj agns su lis fotografiis di Crocenzi, su la base di un coret e virtuôs lavôr di archivi. Un tesaur di valôr storic e documentari inestimabil, acuisît dal Craf intal 1995 intune cu la colezion plene di libris dal inteletuâl. (A.I.) – 18.10.2023
