Il festival dal ‘confront’ a Pordenon

Cuatri incuintris par confrontâsi su atualitât, politiche, economie e culture: il circul culturâl Eureka al ripropon pe decime seste edizion la rassegne “PordenonePensa”, il festival dal confront, confermant la formule che vie pai agns e à decretât il so sucès. Dai 12 ai 20 di Jugn, il Claustri de Biblioteche Civiche di Pordenon al darà acet a public e relatôrs, in cuatri seradis che a proponaran une grande sielte di argoments leâts ae atualitât e a une societât che, in Italie e intal mont, e je daûr a cambiâ in curt. Un viaç traviers temis dal presint, esplorant il lavôr scuindût di cui che nus protêç, l’ecuilibri delicât tra libertât e rispiet, lis sfidis economichis dal nestri futûr e la ereditât spirituâl di Piero Angela. (A.I.) – 11.06.2024