132
Dopli apontament joibe ai 28 di Setembar pal festival internazionâl e itinerant de cognossince “Dialoghi”, inmaneât di Culturaglobale. Aes 6 dopomisdì, inte Sale dal Consei di Turiac, e rivarà la vincidore dal “Premio Campiello” 2023, Benedetta Tobagi, che e sarà intervistade di students dal Pôl liceâl di Gurize par fevelâ dal so libri “La resistenza delle donne”. Ae stesse ore li dal Teatri Gustavo Modena di Palme e je in program la conference “Restare, tornare, arrivare: giovani nelle terre alte, tra opportunità, difficoltà, strategie e visioni”, curade de Legacoop dal F-Vj e moderade de presidente Michela Vogrig, cu la partecipazion di tancj ospits. (A.I.) – 27.09.2023
