Il festival de storie di Gurize al cjale za al an che al ven

Numars di primât par “èStoria”, il festival internazionâl de storie che al à sierât la sô decime novesime edizion dedicade aes feminis cun 300 ospits, cuasi 200 avigniments, 20 cines e passe 35.000 personis presintis. La edizion che e ven, a Gurize dai 20 ai 26 di Mai dal 2024, e varà al centri il teme “Datis” par celebrâ l’an dal ventenâl. Ancje chest an a son stâts protagoniscj i grancj temis de storiografie, frontâts traviers di une impostazion multidissiplinâr che e à cjapât dentri la art, la leterature e il cine. Propit al cine e je stade dedicade dute une rassegne: la tierce edizion di “èStoria Film Festival”. (A.I.) – 29.05.2023