Il fotograf dai Vip e il so cine sul F-Vj

Un apontament di no podê pierdi pai amants de art e dal cine a Triest. Il Magazzino 26 al sarà di fat teatri de mostre fotografiche “Living as Memory” (Vivi tant che memorie), firmade dal artist visionari versatil Rossano B. Maniscalchi, cognossût a nivel internazionâl pal so lavôr intal mont cinematografic e fotografic, specie pes imagjins fatis a cjâfs di Stât, premis Nobel, artiscj, atôrs, inteletuâi e imprenditôrs. La scree de mostre e sarà precedude, vinars ai 28, de proiezion in anteprime regjonâl di “Nexus”, l’ultin curtmetraç di Maniscalchi, zirât in Friûl-Vignesie Julie a Triest e a Grau, celebrant i lûcs di incjant e cuntune dediche a Lorenza Desiata, ae sô passion pe mode e al so leam cu la citât e la nestre regjon. (A.I.) – 26.02.2025