Il furlan “salvadi” daûr di Dante Alighieri

Inte Biblioteche Guarneriane di S. Denêl, sabide ai 20 aes 5 dopomisdì, si fevele di Dante e dal so rapuart cu la nestre regjon, intune iniziative inmaneade in colaborazion cu lis rassegnis “vicino/lontano mont” e “Leggimontagna”. L’incuintri “Dante Alighieri, della montagna e della lingua volgare” al puartarà il public in viaç dal furlan ‘salvadi’ (Dante lu clamave cussì, se no piês, tal so libri “De vulgari eloquentia”) fint ae musicalitât des lenghis e dai dialets. A vuidâ il public, Gianpaolo Carbonetto e Angelo Floramo, cul atôr Carlo Tolazzi che al leiarà cualchi toc de “Divina Commedia” par talian e in ciertis variantis de lenghe furlane. (A.I.) – 19.04.2024