Il gnûf libri dal professôr Andrea Maggi

Tra i tancj ospits di Pordenonelegge al sarà ancje chest an un autôr innomenât “di cjase”: Andrea Maggi, un insegnant di scuele secondarie za premiât pal romanç “Storia di amore e di rabbia”, jessût intal 2022, za protagonist pe television dal program “Il Coleggio di Rai 2”, dulà che al è stât nomenât “il professôr plui amât de Italie”. Il so gnûf libri, in jessude ancjemò par Giunti, si intitule “Il mio Socrate” e al è pai letôrs parsore dai 14 agns. Nol è un saç, e nancje une serie di dialics filosofics e nancje dome un romanç, ma dutis chestis robis intune… Fevelant ai fantats dal mont des lôr dificoltâts, e je la storie di une fantate di 14 agns che e je a stâ di bessole cu la mari, si fâs tantis domandis, ma no simpri e cjate lis rispuestis. Almancul fin cuant che no cjate Socrate, un siôr che si clame propit compagn dal grant filosof. (A.I.) – 04.09.2024