La presentazion dal gnûf Lunari di Pre Toni pal 2024 e vignarà fate inte glesie di Visepente sabide ai 4 di Novembar aes 4 dal dopomisdì.
Alida Pevere e Cristian Liberale, i curadôrs, par tignî vîf il ricuart di pre Beline, tradutôr de Bibie par furlan, mestri e scritôr di grant spessôr inteletuâl e spirituâl, a àn sielt come titul: “Fondis intal cret e anime di fier”.
A insiorâ il lunari cun bielis imagjins inerentis ai scrits e ai cjants de tradizion religjose furlane, a àn partecipât i artiscj: Mariateresa Bravin: “Titti design” pal ritrat de cuviertine realizât cul aerograf, Carla Lostuzzo pai acuarei dai mês dal an, Davide Clonfero, Marina Coccolo, Gianni Di Lena, Manola, Daniele Giacomini, Aldo Mereu, Monia Minisini, Sofia Novelli, Meri Toniutti, Fausto Tosolini e Anna Zamolo.
Lis ufiertis a sostignaran la opare benefiche tacade di Pre Antoni adun cul grop “Amici di Udine”: fâ poçs di aghe, scuelis e mensis in Benin, tes missions des muiniis de Providence e propit ae fin di Novembar a Bueguorou e vignarà inaugurade une gnove scuele realizade cu lis ufiertis dai benefatôrs dal Lunari di Pre Toni”.
Lis mil copiis stampadis a vignaràn distribuidis de int e des parochiis di Visepente e Vilevuarbe cun pre Gabriel Vasile Cimpoesu, Mels e Pers cun pre Giuliano Mauro, Vilegnove cun pre Romano Michelotti, Vençon cun pre Roberto Bertossi e midiant pre Italico José Gerometta intes parochiis di Vît, Clausêt e Pinçan.
A sostegnin chest progjet ancje DIGAS di Colorêt di Montalban, Bancje 360 Credit Cooperatîf FVG di Basilan e ae difusion a partecipin ancje i Comuns di Basilian e Colorêt di Montalban e la emitent Video Tele Carnia.
Fin in Zenâr il Lunari di Pre Toni si po cjatâlu in glesie e intal bar “Al Mattiniero” di Visepente, bar-edicule “Ognibene” di Basilian, bar di Bertiûl, bar-edicule Saccomano di Gnespolêt, edicule “Da Maurizio” a Codroip, cartolarie “Cartoltecnica” a Cjampfuarmit, “Bar Masino” a Mels, inte edicule di Claudio a Colorêt di Montalban e “Minimarket da Lidia” a Majan.
Par ogni altre informazion si po consultâ la pagjine facebook “Grop Amîs di Pre Toni”. (a.d.g.) – 26.10.23
