Il maçalizi di Porçûs de bande dal fradi di Pasolini

Apontament cu la storie a Cjasarse joibe ai 13. Te sale consiliâr di palaç Burovich de Zmajevic si fasarà un event speciâl pai otante agns dal maçalizi di Porçûs, te suaze de rassegne di cine. La serade e sarà dedicade ae presentazion dal libri “I Pasolini. Guido e Pier Paolo: Resistenza e libertà”, par cure di Roberto Volpetti, president de associazion “Partigiani Osoppo”, e po dopo si viodarà il cine “Sangue e neve” (Sanc e nêf), che al conte la storie tragjiche di Porçûs. Il libri di Volpetti e je une opare une vore impuartante pe ricostruzion storiche de Resistence in Friûl. Cuntun lavôr curât di ricercje tai archivis, l’autôr al à racuelt e metût dongje une largje documentazion su la figure di Guidalberto Pasolini e su la sô fin tal maçalizi, fate ancje des letaris scritis al fradi Pier Paolo, e chês dal pari cul so avocat. Il documentari “Sangue e neve” al fâs rivivi la vicende di Porçûs doprant imagjinis di archivi e testemoneancis, cirint di judâ a fâ capî lis colpis e lis consecuencis dal maçalizi. (A.I.) – 12.02.2025