E je stade screade a Siele Cjalçutan la esposizion permanente “Rosso Verzegnis”, che e inricjìs la rêt di museus e mostris permanentis sparniçadis sul teritori dal gjeoparc des Alps Cjargnelis. A Verzegnis, il teme al podeve dome che jessi chel dal calcâr ros a Encriniti, il materiâl ancjemò vuê gjavât su la mont Verzegnis e clamât in maniere comune “marmul”: une risorse preziose là che dute une comunitât si ricognòs. La iniziative e je partide de Comunitât di mont de Cjargne, gjestore dal gjeoparc, cu la idee di recuperâ il piçul edifici doprât pe teleferiche antighe, e preparâlu in mût gnûf e apassionant, cuntun percors che al mostre i aspiets gjeologjics e storics de aree, ancje cun imagjins di archivi. (A.I.) – 01.07.2024
Il marmul di Verzegnis dentri di une mostre permanente
30