Cent oparis origjinâls, tantis di chês esponudis fûr dal Gjapon pe prime volte, riproduzions, rivistis, libris, documents video e tescj critics par ricostruî l’univiers di Shigeru Mizuki, un dai plui grancj mestris gjaponês di manga. “Mondo Mizuki, Mondo Yokai” e je la mostre che dai 26 di Avrîl ai 30 di Avost e puarte intai spazis di Cjase Cavazzini a Udin l’univiers creatîf di un mestri cence altris compagns di lui, specialist di storiis di yokai – lis aparizions mostruosis de mitologjie gjaponese – e studiôs dal folclôr relatîf, cuntun stîl unic e cetant personâl. Organizade in ocasion de vincjesime setime edizion dal “Far East Film Festival”, e je la prime mostre in Italie e la seconde in Europe – daspò de personâl di Angoulême dal 2022 – a celebrâ un dai plui grancj autôrs de art gjaponese dai “manga”. (A.I.) – 26.03.2025
Foto Mizuki Pro, Tokyo
