Il mît dai pompîrs in mostre a Pordenon

La ultime mostre dal 2022 pe Società Operaria Storica di Pordenon si vierç joibe ai 8 di Dicembar inte sede di Palazzo Gregoris, in ocasion dal 156n aniversari dal sodalizi, nassût in citât intal 1866. E propit al periodi storic de fin dal Votcent al puart il teme de esposizion, che intes maiis de Storie e à cjatât i avigniments plui curiôs di contâ: “L’incendio illustrato. Storie di pompieri in copertina”, che al è il titul dal percors curât di Mario Tomadini, ex vuardie dal fûc e president de SOMSI. De sô colezion a vegnin lis oparis in mostre, a scomençâ des cuviertis ‘di epoche’ des rivistis plui in voghe tra la la fin dal 19n e la metât dal 20n secul. Cuviertutis dulà che lis vicendis di croniche a vignivin contadis ‘par imagjins’, creant mîts, tant che chel dai pompîrs ardîts. (A.I.) – 06.12.2022