Il museu ‘imperfet’ di Walter Bortolossi

Sabide ai 2 di Març tal Magazzino 26 di Porto Vecchio a Triest si scree la mostre dal artist udinês Walter Bortolossi, che di simpri al piture pensadôrs, stelis dai mieçs di comunicazion di masse, sienziâts, la atualitât e fats storics. “La torre di Babele”, vierte fint ai 14 di Avrîl, e presente diviersis fasis dal percors di Walter Bortolossi cuntune cuarantine di tocs di gruessis dimensions: une vere antologjiche. Il titul “La torre di Babele” al fâs riferiment al teme di un dai cuadris gnûfs che a saran presentâts, là che il mît nol è dome il simbul di un faliment, ma al ten dentri la memorie des diviersis espressions de culture umane, un “museu imperfet” simpri in divignî. (A.I.) – 01.03.2023