Il PAFF! di Pordenon al cambie non: al sarà ‘Palaç dal fumet’

Il Palaç dal Fumet di Pordenon al sarà presint a “Lucca Comics & Games” cuntun avigniment speciâl titulât “Passât, presint e futûr dal Palaç dal Fumet”, in program joibe ai 31 in Toscane, a Lucca. In cheste ocasion al sarà presentât il cambi di non de istituzion, di PAFF! a Palaç dal Fumet. Se l’acronim PAFF! al à vût un rûl pop, bon di atrai un public larc, la gnove denominazion e cjape a bracecuel une identitât plui esplicite e profonde, che e riflet l’impegn culturâl e la mission di cressite coletive che e vuide lis ativitâts. Il rinovament al segne une tape impuartante pe istituzion, che si presente tant che centri di riferiment pal fumet e lis arts visivis in Italie. L’avigniment al sarà introdot di Marco Dabbà e Luca Raffaelli, che a ripassaran la storie dal Palaç dal Fumet, cun videos che a contin lis origjins e i travuarts principâi. Al è previodût ancje un omaç ae memorie di Carlo Ambrosini, a un an de muart dal grant fumetist talian. (A.I.) – 29.10.2024