Il PAFF! (Palaç Arts Fumet Friûl), il contignidôr culturâl inovatîf fondât e diret dal 2018 di Giulio De Vita, logât a Pordenon, che al organize, al promôf e al ospite mostris temporaniis di impuartance nazionâl e internazionâl dai grancj mestris dal fumet mondiâl, al è deventât un museu a ducj i efiets. Anzit: un “International Museum of Comic Art”. Cul patrocini dal Ministeri de Culture, al à screât la esposizion permanente, insiorade cuntune biblioteche e une mediateche, e dentri de fin dal an ancje di un archivi cuntun dipuesit climatizât. La esposizion permanente, par cure dal diretôr Luca Raffaelli, e ufrìs plui o mancul 200 taulis origjinâls dai fumetiscj plui innomenâts e altris 500 tocs leâts al fumet. (A.I.) – 09.02.2023
Il palaç dal fumet al devente un museu a Pordenon
201