Il “piçul manuâl” di une artiste di Pordenon

E je stade screade intal Spazi Foto di Cjase Zanussi a Pordenon, ae presince dai familiârs e dal curadôr, la mostre “Piccolo manuale di sopravvivenza”: un omaç espositîf ae artiste pordenonese Elisabetta Bortolin, muarte prin de ore intal 2022. La mostre, promovude dal Centri Iniziativis Culturâls di Pordenon cu la famee de artiste e curade dal storic de art Fulvio dell’Agnese, e je vierte fint ai 28 di Fevrâr. Traviers une sessantine di oparis, a son metudis in struc ciertis tapis dal percors di Elisabetta Bortolin, atore e artiste che e veve vivût in Italie e a Parîs. Propit in France i vevin dedicade une mostre intal 2023, cuntune selezion di dissens, pituris e fotografiis. (A.I.) – 14.01.2025