Il pitôr Caucig, l’erêt dai grancj dal passât

Il pitôr neoclassic Francesco Caucig, professôr ae Academie di Viene, al è l’artist gurizan che intal cors dal secul decim novesim al à gjoldût di plui innomine dongje dai contemporanis. A lui e je dedicade la mostre “Francesco Caucig goriziano 1755-1828. L’uomo, l’artista, il testimone di un’epoca”, che si vierç joibe al 1n di Jugn aes 5.30 dal dopomisdì a Palaç Coronini Cronberg. In mostre prin di dut la sô produzion grafiche ricone, cui studis di crot, lis copiis dal antîc e dai grancj mestris dal passât, lis viodudis e i paisaçs. Une atenzion particolâr e je risiervade cun di plui ae vicende de pale di altâr cu la “Visitazione di Maria”, dispierdude dilunc de Prime vuere mondiâl e recuperade intal 2021. (A.I.) – 31.05.2023