Il poete Federico Tavan contât in ostarie

Prime tape di “Ostarie Tavan”, une piçule rassegne nassude di une idee dal editôr Morganti, che al è daûr a fâ jessi dut il materiâl scrit dal poete di Andreis, cu la colaborazion de Fondazione Luigi Bon di Culugne, par memoreâ Federico Tavan. La rassegne si davuelzarà in sîs vinars di sere tai mês di Otubar e di Novembar. Ogni apontament al puartarà in sene cualchi poesie recitade in lenghe taliane e inte version dal furlan di Andreis (il tavanot), cul acompagnament di musiche e une sielte di episodis de vite dal autôr par cure di Stefania Conti. La prime serade e je vinars ai 11 a Cividât te Ostarie “Da Giordano”,  par fevelâ di “Tavan e il mît dal mostri”, cun musichis di Simone Piva. (A.I.) – 10.10.2024