Il Premi Pulitzer Richard Ford, une des vôs leterariis plui cognossudis dal nestri timp, al presente vinars ai 20 a “Pordenonelegge” l’ultin libri de saghe che e viôt protagonist Frank Bascombe, “Per sempre” (jessût par Feltrinelli), aes 7 sot sere li dal Capitol, in dialic cul gjornalist e scritôr Gabriele Romagnoli. “Per sempre” e je la tape finâl de innomenade serie narative cul scritôr mancjât, gjornalist sportîf, agjent imobiliâr, dôs voltis divorziât. La zornade dal festival e previôt ancje lis presentazions di Camille De Peretti, Andrea Maggi, Enrico Galiano, Maura Gancitano, Daniele Zovi, Maurizio Bait e tancj altris. In anteprime ancje il “Piçul dizionari (imagjinari) des fantatis e dai fantats”, fat in sinergjie cu la Fondazion Treccani, par cure di Valentina Gasparet e Gian Mario Villalta cu la sorevision di Giuseppe Antonelli, che al ufrìs un censiment di 187 peraulis di no podê pierdi dopradis dai zovins di vuê. (A.I.) – 19.09.2024
Foto di A. Frediani
