Al è un apontament di no podê pierdi pai zovins e pes fameis, cuntun professôr cetant amât dai students, dai letôrs e dal public de television: Andrea Maggi al sarà a Cividât joibe ai 30 in graciis di une iniziative organizade dal Sisteme Bibliotecari de zone di Cividât, cul contribût de Regjon F-Vj. Cognossût ancje pal so rûl di docent dentri de trasmission televisive “Il collegio” su Rai 2, autôr di libris dedicâts ai fantats, Maggi al cjatarà la matine i fantats des tiercis mediis dai Comuns che a fasin part dal Sisteme Bibliotecari de zone di Cividât. Aes 6 dopomisdì, te Glesie di Sante Marie, al presentarà il so ultin libri in dialic cun Marta Rizzi. (A.I.) – 29.11.2023
Il professôr ‘de television’ a Cividât
96